緊張

照計仲有唔夠廿日，我開始有幾分緊張，唔知到時會點，又唔知之後會點。唔知有咩未買，又唔知仲有咩要買。手頭上工作未完成，心情上又未準備好。雖然好好彩地一直都無產前憂鬱，但來到呢刻都免不了有啲擔心要面臨呢件大單嘢會點。怕就快到，又同時諗不如早啲到好過，唔係話咩，不過唔多唔少都等到有啲悶，又唔係等得好舒服喎。雖然，之後會仲唔舒服，瞓都無得瞓。

唉。。。越諗越覺得。。。都係聽日專心寫埋公司份嘢，phone interview幾個人先算喇。

呢件肯定係我廿九年來要面對最嚴峻嘅一件事啊！