現實

睇阿寧嘅網誌：

終於看了這套電影
男女主角選角得宜
拍得清新可人
但我會想
要不是男主角高大可愛
那些打手槍的情節
在家裸跑的情節
把筆子插入鼻孔的情節
畢竟令人感到低俗難堪

嘿
可愛的男生就是做甚麼都可愛
醜男就做甚麼都討人厭
世界就是如此現實了

我記得和幾個人多次談論這個話題：靚仔就乜都得，唔靚仔就乜都唔得。

譬如，如果梁朝偉日日寫情信俾你就係浪漫，八両金就係變態。

又譬如，如果畢彼得日日去你公司樓下等你放工時偷望你就係癡情，章魚城就係跟蹤狂。

再譬如，如果係金城武個call台密碼係「愛你一萬年」就係型，但係唔需要醜男，只係諗你其中一個唔係特別靚仔嘅男仔朋友用哩個密嗎，可能都已經有啲嘔。

其實唔係淨係男人嘅。

如果王菲日日偷偷去你屋企幫你慢慢換晒屋企啲嘢又喺你張床上面揾其他女人嘅頭髮就係傻，肥花就係精神有問題。

哩個世界就係咁現實㗎喇。