餵奶的啟示

雖然已經停止餵人奶，但我也想說一下在整個過程中學到的事情，非常認真的。

一、有胸唔等於有奶。我胸都唔算細，但係就係冇 - 有啲嘢同外表係不一嘅。

二、冇奶就飲幾多魚湯木瓜湯都係冇奶 - 有時啲嘢無法強求。

三、胸係一對但唔係完全一樣，出奶量同速度都唔同 - 連一個人嘅胸都可以有差異，世界上係無identical嘅人嘅，神造人每個都係獨特嘅。

四、Caelum因為一邊胸出奶慢同少所以每次我要佢食嗰邊胸佢都極其厭惡。Birthcare個midwife話，都要佢食，無得㨂。好多家長就係小朋友唔鍾意就由得佢，縱壞晒 - 人大咗唔係咩唔鍾意就可以唔要唔做，有時唔鍾意，都要繼續。

五、無奶唔一定係壞事，對某些事可能更方便 - 有時冥冥中早有安排，度身定做好一套適合個別嘅人嘅狀況。

六、如果壓力好大，又有罪疚感，不如唔好餵，唔好為同其他人交代，又唔好為同自己交代。唔需要不停找尋別人嘅approval。

七、好多時pump到一半Caelum就喊要理佢 - 有啲嘢根本就唔到你控制。