小時候

祖祖scan咗哩兩張相上facebook，哈，我都有哩兩張相喺屋企。以前呢，我總係男仔頭嗰個，祖祖就係女仔啲嘅，有一次我哋喺教堂裡面個遊樂場玩，有個教友同我阿媽講：「我見倒你個仔同你個女喺出面玩呀！」，我阿媽就同佢講：「你講嗰個女係我兒甥女嚟嘅，你講嗰個仔哩，就真係我個女喇。。。」你話幾似男仔丫。

雖然係咁，但係大大下，祖祖就變咗爽朗啲嗰個，我呢，就變咗係發姣婆媽嗰個，都唔知點解會變成咁。結果我就鍾意文弱書生型，祖祖就鍾意運動型。。。又拎《幻法雙子星》嚟講，佢就係友美，我就係美香（御影）；所以佢鍾意野田，我鍾意倉茂師兄。

講開，好想睇返哦～

講返我哋細個。。。係囉，由細至大，我同祖祖都好close，以前喺香港時差唔多個個禮拜或者兩個禮拜就會見到大家，有時我仲會留喺阿公度過夜。記憶中我地無乜嗌過交，因為祖祖比較無所謂，通常都係我一個人火爆。。。不過遇著係祖祖，其實我都係特別遷就㗎。 XD

等我得閒都scan下啲舊相先。。。