影相之二

前日臨急臨忙KT話琴日去影相，於是琴日我地就臨急臨忙去咗影第二集：黑色背景。黑色背景難打燈好多。。。我識咩吖，總之見到KT同小王子試咗好多好耐都唔滿意，咁我諗係難啲掛。影黑底感覺上累很多，可能因為黑漆漆，成日想瞓覺。不過都幾好吖，KT同小王子都話影黑色學多啲嘢，試多啲嘢。我無所謂，淨係覺得嗰個房加上回音好適合唱Phantom of the Opera，非常好，哈哈。

好多相facebook都睇到啦，只係之前喺白色房間我地威逼利誘無預備嘅小王子同我拍咗幾張，因為係friends only album，有人可能睇唔倒。雖然其實小王子當時唔係好自然，但係影咗嗰幾張又唔係好唔自然喎，都幾好。
P.S. Not in high resolution.