巧遇五月天歌迷會會長

星期六，原本在媽媽家吃飯的，但媽媽說要八時弟弟才回來。為了到C&B看Blues VS Chiefs，我們只好去燒鴨吃飯。燒鴨有中文電視，每次去小王子都總是一味在看。

剛好播著娛樂新聞，播著五月天的記者會，說到著五月天將到香港開演唱會。我和小王子開始了我們唯一和五月天會扯上關係的談話。

小王子：咦，五月天去香港開演唱會喎。
我：(看不到電視，轉個頭去望)係咩，咦係喎。阿祖台灣都去喇，香港實去啦。
小王子：你估阿祖會唔會場場都去丫喇？
我：下，唔會掛!我諗佢會去，但係唔會場場掛。。。
小王子：係呀。

。。。

(小王子抬頭再望電視)
小王子：哎呀，祖祖呀。
我：(看不到電視，又轉個頭去望)下，唔係掛。。。都睇唔到喎!
小王子：無左喇!但係我肯定係祖祖黎架。佢有帶眼鏡既。
我：下，祖祖無帶眼鏡架喎，岩岩唔係話佢有無敵視力架咩。。。咦。。。不過，佢好似講話佢搵左副平光鏡返黎喎。。。
小王子：係哩，係佢哩。佢送件衫俾0個幾個人呀(原諒我們對五月天的成員實在無知)。
我：下，得佢一個咋？
小王子：係呀。
我：上台呀？
小王子：係呀。係佢呀，你問下佢喇。

。。。

我：我諗佢有可能去晒咁多場喇。。。可能唔駛買飛，0係後台呢。。。(實情我地唔知係咪有多過一場)
我：等我txt佢問下先。

。。。

(老祖後來回了我msg，說是她。。。)

第二天和媽媽吃飯說起。

我：我們見到祖祖在電視。。。(下刪百字)
媽：咩呀，係呀，你唔知咩，佢係會長黎架嘛。
我：下。。。
媽：係呀，仲叫三姨的朋友XX(保密)留了XXX(也是保密，免惹麻煩)張飛添。
我：下？xxx張!？
媽：係呀，仲要係package咁賣架，連會衫添呀。
我：衫?!!!!
媽：係呀，會長嘛。
爸：係香港區乍下嘛。
我：下。。。

今天我四週逛逛，才發現祖祖原來是香港區五月天歌迷會會長(？!)。原來如此，我都沒有留意。。。
明星的朋友有了，連歌迷會會長的親戚也有了。。。XD