不幸福的愛情的實戰經驗

Madning Shek「一段幸福的愛情，可能會把你寵壞 ; 一段不幸福的愛情，卻能讓你變成更好的人。願大家都能變得更好。」 --- 王文華
Jacqualine Chow 一段不幸福的愛情，可能力會先殺死你，就算殺你唔死都傷到你貼地，仲唔guarantee你一定會變好！
Madning Shek 莫師奶，你都無實戰經驗，唔好危言聳聽啦～
Jacqualine Chow 咩無呀，我試過暗戀同明戀人都失敗㗎！好傷㗎～
Madning Shek 幼稚園同小學o既事唔算啦pls...
Jacqualine Chow 咩呀，我嘅感情生活一直都好豐富㗎，到中學都仲有鍾意男仔㗎。。。
Madning Shek 我知我知... 但來來去去咪又係你老公個名... (雖然我隱約都記得有個叫K先生o既配角...）

******************************

首先我要澄清，K先生係有兩個嘅，英文名一樣，難怪我對哩個英文名有少許感冒，好多時逃避用哩個名稱呼其他我識又同名嘅人。

-----

一段不幸福的愛情，能使人變得更好嗎？我不太相信。如果能從一段不幸福的愛情裡得出更好來，那人本身大概是個頗正面的人。若是我這種人的話，大概只能在不幸福的愛情中得出非常黑暗的結果。或者會罩著濃密的瘴氣使自己和身邊所有人覺得很沉重、很不好、更不好。

一段不幸福的愛情，大概真的先會殺了我。

-----

講番啲無謂嘢，係呀，我以前感情生活好豐富㗎，永遠都係徘徊喺暗戀同明戀之間，又扮無嘢，扮唔鍾意。無計，我真係好怕醜（只限愛情），要我同人表白先，我真係做唔到。

其實，咁都算係幸福嘅愛情丫。