怠惰

最近我個腦有啲閉塞，除咗做嘢嗰時依然龍精虎猛，唔做嘢時乜都諗唔倒。你話啲人有細路就全副心神擺喺個細路身上，我又唔係啲咁嘅人。只不過想睇書又無心情，戲又想睇唔想放隻DVD入去，連打機都覺得悶。一要我諗啲嘢就心情欠佳，打多隻中文字都無靈感，但係又唔見英文好喎。純粹係懶到出汁。如果哩個世界有怠惰期，咁我就處於哩個時期。你諗下連粉都唔搽就走出街，我喎，你話怠惰得幾惡劣。

其實我想出去行下，我嘅意思唔係去Sylvia Park或者Botany，而係去下郊遊呀野餐呀燒吓嘢食之類。無得跑跑跳跳，個人好似悶咗五成，須知本身已經好悶。我淨係想一班人出去玩下，唔好成日喺屋企呀行街呀飲咖啡呀咁。就算出去玩係睇人地跑下跳下都好。總之，我想喺室外。

仲有，依家，哩一刻，我肚餓。。。又唔係好肚餓嘅，但係餓囉！雖然而家先六點。幾時先返嚟同我食飯呀？