扭計

我想扭計。我唔想瞓覺，淨係想扭計。想搞啲小破壞，想發脾氣，想發爛渣，想大吵大鬧，但係又唔知自己想點，只係想扭計。

有時見到啲阿爸阿媽，自己個細路扭計時話佢係因為咁因為咁，我覺得佢地好勁，因為我相信個細路都未必知自己想點。同時我又覺得佢地可能諗多咗，話唔定個細路同我一樣，純粹想扭計。

唔同嘅係佢就真係可以扭，我就得個諗字。因為，據說我係大人。

我都想掟下嘢，嘈兩下，唔高興呀咁。

我都想扭計。