王子的無奈與公主的坦誠

某日波蘿油王子和他的蛋撻公主有以下的對話：

"朋友A成日都讚佢老公好有型，好靚仔"
"梗係啦，個個都話自己老公最有型，最靚仔架啦!你估個個好似你咁坦白咩!"

(拿拿拿，殿下，無話你唔有型，又無話你唔靚仔，只係無話你最有型同最靚仔咋，咁無理由呃自己，呃大家架，係咪？嘿嘿，講得出，你都唔敢認啦，仲可能會俾人笑添呀!再加上憧憬是離理解最遠的，若果不分青紅皂白，咁極其量只可能係迷戀你啦。。。)




又某日波蘿油王子和他的蛋撻公主有以下的對話：

"你講!老婆靚唔靚!？"
"靚。。。"
"咁即係唔靚啦!"
"唔係呀，靚啦，係我心目中最靚"
"哼!算你啦"