十六件事

為甚麼是十六？我怎麼知道？！

1. 鍾意蕾絲。我相信無乜人相信，但係。。。係，我係非常鍾意lace嘅！

2. 非常容易喊。無論係睇書睇碟睇咩都好，但係專喺啲無人會喊嘅位想喊，有少許奇怪。

3. 鍾意男人帶眼鏡。就算本來唔帶眼鏡都靚仔嘅男仔，我都覺得佢帶左眼鏡會更靚仔。

4. 理想係喺海邊開一間咖啡店，但係要做埋Software嘅。即同時要係一間Software house，有好快嘅Wireless。

5. 日日返工都係唔想返工嘅。公司對我好好，但係唔洗做仲好。

6. 敬佩胡適，連帶反儒非孝。崇尚墨家「兼愛」、「非攻」、「尚賢」、「尚同」、「節用」、「節葬」、「非樂 」、「非命」、「天志」、「明鬼」。

7. 對巧克力沒有多大的興趣，但很喜歡吃雪莎。

8. 對甚麼都敏感，包括空氣、溫度、塵、毛、香水、食物、花粉。。。多得甚至不能分辨到底對那一樣敏感。所以我想吃的也會吃，有敏感徵狀也由得它。

9. 總是覺得自己太胖，就算周圍的人說我不胖的時候也覺得太胖。

10. 最愛綠色。其次是粉紅色和紫色。本來喜歡紫色多過粉紅色的，但近年改變了。

11. 有「迪士尼公主病」，一開始做不用腦的事情（譬如打掃）就不自覺地開始唱歌。可惜沒有迪士尼公主的漂亮和好心地。

12. 很喜歡喝茶。甚麼茶也可以，除了酸的茶或Earl Grey。

13. 以前會田徑也會游水的。比車撞斷左隻腳之後就唔係好得喇。

14. 仲有長短腳，引致腰痛要睇Chiropractor。

15. 非常嚮往吊床，甚至愛上左人地嘅吊床，成日都想扭人地比我去佢屋企，都係為左張吊床。

16. 好難忘記唔開心嘅事情，成日都記住，仲非常唔大方添。。。